حي راسك ياوريث المجد يـا سـاس العروبـه=ياسليل اللي عشق نجد وسرى و اطلـق نشبهـا
ليلة فـي صفحـة التاريـخ بالنـور مخضوبـه=كل ما مرت سنـه فـوق الثـرى يلمـع ذهبهـا
وانت من نسلـه وثوبـك ياحفيـد العـز ثوبـه=ومن وقف لرضاك يافيصل ولـد خالـد كسبهـا
من وقار السيف تاخذ هيبتـك فـي كـل نوبـه=فيك من طيب البحور وفيك من ثـورة غضبهـا
لو هوى الغربي على راحة يدك يسـرج هبوبـه=والله ان البيد ما تشكـي علـى الغيمـه عتبهـا
يضحك البراق في كفـك وهـي تمطـر عذوبـه=كنها غر السحـاب اللـي يغـازل سـودة ابهـا
ديـرة كنهـا نهـار العيـد للغيـم مخطـوبـه=من تنفس عطرها شرّع لهـا القلـب وخطبهـا
بالجنابي والحصـون جبالهـا الخضـر مهيوبـه=عـزك الله يـا ديــارٍ دوم تعـتـز بعربـهـا
والجنوبي ساعة الشـدات يفخـر فـي جنوبـه=لي اعتزى في الضيق والغتره على راسه عصبها
في ظلال اخوان نوره لو يلـد المـوت صوبـه=ينثنـي مـن دون حـد الـدار ويطفـي لهبهـا
ياوطنـا ياوطنـا ياوطـن صـقـر العـروبـه=دونك قرومٍ نهـار المـوت تثنـي لـك ركبهـا