عسى البارق اللي نوّته تروي العطشـان=يسـوق لمرابـع شمّـخ النيـب مطّـاره
على ديـرة الهيـلا يهـل المطـر هتـان=وكل(ن) يشوقه بـارق الوسـم وانـواره
وانا اسرجت له من دار يام الحلام حصان=بطانه وسيـع ومنـوة عيـون مختـاره
من اشهر مرابط خيلنـا نقـوة الفرسـان=عسفته ودرّبته علـى المجـد واسـراره
دعوه الرجال اللي لهم في المواقف شـان=ولا حاد عـن درب البطـولات مضمـاره
سلامي على العتبان من ديرتـي نجـران=سلام (ن) يعطر مربـخ الـذود بازهـاره
رجال الشهامه والوفـا منبـع الشجعـان=من ايـام فـرخ الحـر يشبـع بمنقـاره
حموا طرشهم بالسيف الابتر وعود الـزان=ورعوا نجد بين فهـود وذيـاب ونمـاره
رسوا في روابيها مثـل نايـف الضلعـان=وشهر صيت ( اخو شرعا ) بفعله وباذكاره
ومسلط صليب الـراس لا ثـوّر الدخـان=يصد العدا (خيّـال سبـلا ) عـن ديـاره
على الترك غاروا والوقايع لهـا برهـان=خلـد ذكرهـا وسيوفـهـم دوم بـتـاره
ويوم اعتزى طير السعد من قصر دسمان=دعاهم ولبـوا داعـي المجـد واشـواره
حكمها وعشنا في ظلال الزعيـم اخـوان=وزمان التناحـر والنشـب ولّـت افكـاره
وكل القبايـل للوطـن والمليـك اعـوان=وبرقـا وروق عزومـهـم دوم جـبّـاره
ليا نادوا عيال الموحّـد علـى الظفـران=وفتيل الحرايب في الشدايـد قبـس نـاره
تشكـل عتيبـه كلهـا عسكـر الميـدان=رجال (ن) تسوم الروح في مقـدم الغـاره
سلامي عليهـم والمراجـل لهـا عنـوان=ومـن يكسـب النـالات نعطيـه مقـداره