صحى صوت الملام وكل عبره في بيوت الطين=تعانق مجد بابـل والسحـاب يصافـح ترابـه
لمحت الفجر مر وفي جيوبه دبله وحرفين=رمتها الشمس في وجه الظلام وشقق ثيابه
وغارت في الحشا خيل الشعر يا عادل الشاهين=وسرت في كل عرق سيوف عز وصيحه ولابه
يشوش الحرف مثل الفارس اللي ينطح الغازيـن=وقصيدي فيه من صدق البياض و ثورة اعصابه
ملامح طفل ضاع بكلمتين وردد امي وين؟!=كسر صمت الجبال الشامخات وحطم العابه
تثور بداخله فزعات ابن مهذل وابن حثلين=وعزاوي يام لا طار الفشق والنار شبابه
سرى ما بين واحات النخيل وضفـة النهريـن=ونـادى للسهـول ووادي الريحـان واعشابـه
سلام الله على بغداد في وقـت العسـر والليـن=لو يشـح الزمـان بنفحـة التاريـخ واطيابـه
على اطول ضلع في صدر الغياب ابني لها بيتين=والّوح للحمام اللـي هجرهـا واجمـع اسرابـه
اصب الغيم ياعادل ولو طـال السهـر والبيـن=تطمـن والله ان الحـق لـه لابـه وطـلابـه
جبل سنجار لو نادى وردد ياصلاح الدين=نبت في كل ذرة رمل سيف ودرع وعصابه
تحزم وارفع البيرق ياعادل وازهم القاصين=وصوتك ما ذبل يوم الليالي السود مرتابـه
يسوقه ساسك الطيب ونخوة ربعك الوافين=مقابيس الوغى شمر نهار الهوش حرابـه
يقولون البدو علـم الحيـا والطيبيـن يبيـن=وانا اخيل البروق وكل ضامي يشعب ركابه
امانه وصل عيوني ياعـادل ديـرة الغاليـن=وبلغ صبحها المكسور يطوي صفحة كتابـه
وعلمها عن آخر سالفـه للجـرح والسكيـن=وطمن كل مسجد في ثراها ضـج محرابـه
عزاوي الطفل فينا لا وصل راس اللهب للدين=تهزم الفين ظالـم والـف طيـاره ودبابـه
صبرنا لين فاض الكيل بين الشك والتخمين=وحنا روس قوم(ن) ما تهاب المـوت واسبابـه
خلاص من الظلام اللي تمادى واستحل العين=خلاص وكل درب لجنة الفـردوس حيّابـه